اتر پردیش حکومت کی جانب سے لاک ڈاؤن کے بعد یہ اعلان کیا گیا ہے کہ اس دوران غریب طبقے کو راشن کی دقت نہیں ہو گی لیکن حقیقت میں ایسا نظر نہیں آتاہے۔ مئو ضلع کی گھوسی کوتوالی علاقے میں راشن نہ ملنے کے سبب لوگوں کو پرشیانیوں کا سامنا کرنا پڑرہا ہے۔
غریب عوام راشن کے لئے در در بھٹک رہے ہیں
خواتین و جسمانی طور پر معذور افراد راشن کی امید میں یہاں آئے ہیں لیکن یہاں آکر ان غریب پسماندہ لوگوں کو مایوسی ہی حاصل ہوئی۔
سرکاری عملہ کے ذریعہ انہیں بتایا گیا کہ یہاں راشن تقسیم کرنے کا کوئی انتظام نہیں ہے۔ اس کے بعد انہیں پولیس نے لاؤڈ-اسپیکر کے ذریعہ گھر واپس جانے کی اپیل کی۔
خواتین کا کہنا تھا کہ ان کے گھروں میں فاقہ کشی کے حالات پیدا ہو گئے ہیں۔ وہ کافی دور سے پیدل چل کر آئی ہیں۔ راشن کی امید میں آئی خواتین میں کچھ تو کافی کمزور نظر آ رہی تھیں۔
