ریاست اترپردیش کے ضلع مئو کے پہاڑ پور گاؤں کے باشندوں نے اپنے علاقے میں کورونا وائرس پھیلنے سے روکنے کے لیے نئی تدبیر نکالی ہے۔
عوام نے کورونا وائرس سے بچنے کے لیے راستے پر بیریکیڈ لگایا
انہوں نے اپنے گاؤں والوں کو کورونا وائرس سے تحفظ کے لیے راستے پر بیریکیڈ لگا دئیے ہیں۔ بانس سے بنی بیریکیڈنگ سے گاؤں میں داخل ہونے والے باہری لوگوں کو روکا جا رہا ہے۔ پہاڑ پور کے باشندے چاہتے ہیں کہ ان کے گاؤں میں جو بھی داخل ہو اس کا پہلے چیک اپ ہو۔
اس فیصلہ میں نہ صرف مرد بلکہ گاؤں کی خواتین بھی شامل ہیں۔ خواتین نے بھی اپنے گاؤں کو کورونا وائرس سے محفوظ رکھنے کا عزم لیا ہے۔ انہیں فکر ہے کہ ایک بار کورونا وائرس سے متاثر کو داخلہ مل گیا تو پورا گاؤں اس کی زد میں آجائے گا۔
