مرادآباد: حکومت کے ترقیاتی منصوبوں کا جائزہ

یوگی حکومت شہر شہر اور گاؤں گاؤں کی ترقی اور خوشحالی کے لیے تمام منصوبے چلارہی ہے لیکن ان منصوبوں کی حقیقت اگر زمینی سطح پر دیکھی جائے تو یہ منصوبے صاف طور پر کھوکھلے دکھائی دے رہے ہیں۔

ریاست اتر پردیش کے مرادآباد کانٹھ اسمبلی علاقے کے شاہ پور گاؤں کے مقامی لوگوں نے ای ٹی وی بھارت اردو کے نمائندہ سے بات چیت کرتے ہوئے کہا کہ ہمارے علاقے میں بجلی کے انتظامات انتہائی بدتر ہیں۔ سڑکوں کے حالات بھی صحیح نہیں ہیں۔ وہیں راشٹریہ لوک دل کے لیڈر مطلوب حسین نے کہا کہ آنے والے اسمبلی انتخابات میں مجھے راشٹریہ لوک دل کا امیدوار بنایا گیا ہے۔

انہوں نے کہا کہ اگر ہم اسمبلی انتخابات جیتنے میں کامیاب ہوجاتے ہیں تو ہماری اولین ترجیح مقامی لوگوں کی سہولیات اور علاقے کی ترقی رہے گی۔ فی الحال ابھی اسمبلی کانٹھ کے حالات بدتر ہیں۔ مقامی لوگوں کو روزگار نہیں ملا ہے۔

انہوں نے کہا کہ ہمارے اس علاقے سے رکن اسمبلی راجیش کمار عرف چنّو جی ہیں۔ الیکشن جیتنے کے بعد انہوں نے اپنے علاقے میں آنا ہی چھوڑ دیا۔ ہمارے اس علاقے سے لوگ الیکشن جیتتے ہیں اور پھر بھول جاتے ہیں۔

انہوں نے حکومت سے مطالبہ کرتے ہوئے کہا کہ مقامی لوگوں کو حکومت کے منصوبوں کا فائدہ ملنا چاہیے۔ علاقے کی سڑکیں درست ہونی چاہیے۔ لوگوں کو بجلی کی پریشانی سے نجات ملنی چاہیے۔