جس سے محنت کش طبقہ کے کھانے کا اہم جزو پیاز اور لہسن کی چٹنی بھی اب ان کےپہنش سے دور ہوگئی ہے۔ ان لوگوں کو اب صرف نمک پر ہی گزارا کرنا پڑا رہا ہے۔
بازار میں پیاز کی قیمتیں 90 سے 100 روپے کلوگرام تک پہنچ گئی ہیں۔ دوسری جانب لہسن 200 سے ڈھائی سو روپے فی کلوگرام پر فروخت ہورہا ہے۔
ایسے میں بھی غریب کے کھانے کا اہم حصہ پیاز اور لہسن کی چٹنی کے بارے میں سوچنا بھی اس زمرے کے لوگوں کے لئے مشکل ہوگیا ہے ۔ دال اور سبزیوں کے دام پہلے ہی ساتویں آسمان پر ہیں۔ ایسے میں مزدور طبقے کو اب صرف روٹی کے ساتھ نمک پر اکتفا کرنا پڑرہا ہے۔
مرکز اور ریاستی حکومت کی پیاز کی قیمتیں قابو میں کرنے کی کوششوں کے بارے میں چاہے جو بھی کہا جارہا ہو لیکن حقیقت یہ ہے کہ غریبوں کے کھانے کا سب سے بڑا سہارا آج ان کی رسائی سے کافی دور ہوگیا ہے۔
واضح رہے کہ ایک اندازے کے مطابق اترپردیش میں آبادی کے لحاظ سے سب سے زیادہ پیاز کی کھپت، پیداوار سے دوگنی ہے جسے پورا کرنے کےلئے اترپردیش کو مہاراشٹر کے ناسک سے پیاز منگوانی پڑتی ہے لیکن اس بار مہاراشٹر میں بے موسم بارش کے سبب پیاز کی فصل پور ی طرح برباد ہوگئی ہے جس کا اثر راست طور پر اترپردیش کی منڈیوں پر پڑا ہے۔
