پیس پارٹی کے ریاستی صدر عارف ہاشمی نے اتر پردیش کے بارہ بنکی میں پارٹی کے ایک پروگرام میں شرکت کرنے کے بعد ضلع صدر کا اعلان کیا۔ اس عہدے پر شیوناتھ یادو کو منتخب کیا گیا ہے۔
واضح ہو کہ بارہ بنکی میں پیس پارٹی کے ضلع صدر کا عہدہ گذشتہ کئی ماہ سے خالی چل رہا تھا۔ عارف ہاشمی نے دعویٰ کیا کہ شیوناتھ یادو کی قیادت میں پارٹی مضبوط ہوگی۔
انہوں نے واضح طور پر کہا کہ پیس پارٹی صرف مسلمانوں کی پارٹی نہیں ہے۔ یہ سماج کے تمام طبقات اور برادریوں کی پارٹی ہے۔
اس موقع پر عارف ہاشمی نے مزید کہا کہ آل انڈیا مجلس اتحاد المسلمین کے سربراہ اسد الدین اویسی ان کی پارٹی کے لیے کوئی چیلینج نہیں ہیں۔ ان کی آمد سے پیس پارٹی کو کوئی فرق نہیں پڑے گا۔ انہوں نے کہا کہ ان کی پارٹی اپنے دم پر یوپی اسمبلی انتخابات میں مقابلہ کرے گی۔
مزید پڑھیں:
وہیں، پارٹی کے نو منتخب ضلع صدر شیوناتھ یادو نے کہا کہ پارٹی نے انہیں بڑی ذمہ داری دی ہے۔ وہ پارٹی کے لیے پوری وفاداری کے ساتھ کام کریں گے۔
انہوں نے کہا کہ وہ جلد ہی پیس پارٹی کو بوتھ لیول تک پہنچاییں گے۔
