بجنور، لکھنؤ: اترپردیش کے ضلع بجنور کے چاندپور اسمبلی حلقہ سے سماجوادی پارٹی رکن اسمبلی سوامی اوم ویش نے اعلان کیا ہے کہ آنے والی عید الفطر کے موقعے پر چاند پور کی عید گاہ میں عید کی نماز ادا کرنے والے نمازیوں پر ہیلی کاپٹر کے ذریعے پھول کی بارش کر کے ان کا استقبال کریں گے۔ انہوں نے بجنور کے ڈسٹرکٹ مجسٹریٹ کو ایک خط لکھ کر کے پھول برسانے کی اجازت مانگی ہے۔ انہوں نے کہا کہ گنگا اسنان کے وقت جب کسانوں پر پھول برسا کر ان کا استقبال کیا تھا، اسی وقت اعلان کیا تھا کہ عید کے موقعے پر مسلم بھائیوں پر بھی ہیلی کاپٹر سے پھول کی بارش کر کے ان کا استقبال کریں گے۔
رکن اسمبلی سوامی اوم ویش بھگوا لباس میں ملبوس رہتے ہیں۔ سخت گیر ہندو نظریہ کے قائل ہیں۔ سوامی ویویکانند کو اپنا آئیڈیل مانتے ہیں۔ انہوں نے ہندو و مسلم اتحاد کے لیے بھی کئی اہم کام کیے ہیں جس کے لیے ان کی علیحدہ شناخت ہے۔ انہوں نے بجنور ڈسٹرکٹ مجسٹریٹ کو خط لکھ کر کے ہیلی کاپٹر سے نمازیوں پر پھول برسانے کی اجازت طلب کی ہے۔ انہوں نے کہا ہے کہ اس قدم سے ضلع میں آپسی اتحاد ہندو مسلم بھائی چارہ کو فروغ ملے گا اور امن سلامتی کو بھی فروغ ملے گا۔ واضح رہے کہ سوامی کو اگر ضلع انتظامیہ کی جانب سے اجازت مل گئی تو پہلا ایسا موقع ہوگا کہ عید کے موقعے پر اس قدر نمازیوں کا استقبال ہوگا۔ اس سے قبل ہندو کانوڑ یاتریوں پر یوگی حکومت کی ہدایت پر میرٹھ کے اے ڈی جی رہے پرشانت کمار نے ہیلی کاپٹر سے پھول برسایا تھا۔
یہ بھی پڑھیں:
