Olympic Day 2022: بارہ بنکی میں اولمپک ڈے پر ہاکی ٹورنامنٹ کا اہتمام

بارہ بنکی میں فیڈریشن آف انڈین ہاکی کی جانب سے ہاکی ٹورنامنٹ کا اہتمام کیا گیا۔ انہوں نے بتایا کہ ضلع میں المپیک گیمز کی صورتحال بہتر نہیں ہے۔ ضلع میں کھلاڑیوں کی کمی نہیں ہے لیکن سہولیات کے فقدان میں وہ آگے نہیں نکل پا رہے ہیں۔ Olympic Day 2022

بارہ بنکی: ریاست اتر پردیش کے بارہ بنکی میں جمعرات کو ضلع ہاکی فیڈریشن کی جانب سے بین الاقوامی یوم اولمپک منایا گیا۔ اس کے پیش نظر بارہ بنکی ہاکی فیڈریشن کی جانب سے ہاکی ٹورنامنٹ کا اہتمام کیا گیا۔ بعد میں فاتح ٹیم کے کھلاڑیوں کی حوصلہ افزائی کے لیے انہیں انعامات سے سرفراز کیا گیا۔Olympic Day 2022

ضلع ہاکی فیڈریشن کے سیکرٹری مظہر عزیز خان نے بتایا کہ بین الاقوامی یوم اولمپک 1948 سے منایا جا رہا ہے۔ ہر برس کی مانند امسال بھی فیڈریشن آف انڈین ہاکی کی جانب سے ہاکی ٹورنامنٹ کا اہتمام کیا گیا۔ انہوں نے بتایا کہ ضلع میں المپیک گیمز کی صورتحال بہتر نہیں ہے۔ ضلع میں کھلاڑیوں کی کمی نہیں ہے۔ لیکن سہولیات کے فقدان میں وہ آگے نہیں نکل پا رہے ہیں۔