ریاست اترپردیش کے شہر بارہ بنکی میں جمعرات کو یوگی حکومت کے تین برس مکمل ہونے پر ریاستی وزیر انچارج دارہ سنگھ چوہان نے خصوصی پریس کانفرنس کے ذریعے تین برس کے دوران ضلع میں ہوئی حصولیابیوں اور کامیابیوں کو گنایا۔
انہوں ون ڈسٹرکٹ ون پروڈکٹ (او ڈی او پی) کو تین برس کی سب سے بڑی کامیابی قرار دیا، ساتھ ہی انہوں نے کسانوں پر مستقل ترجیح دینے کی یقین دہانی کرائی۔
واضح رہے ک پریس کانفرینس میں کرونا وائرس کے پیش نظر خاص اقدام کیے گئے، اور پریس تمام افسران اور صحافیوں کو سینیٹائیز کرنے کے بعد ہی ہال کے اندر آنے دیا گیا۔
خیال رہے کہ پریس کانفرنس کے دوران کرونا وائرس اور بارش سے ہوئے نقصان کا معاملہ ہی چھایا رہا، اس دوران وزیر انچارج دارہ سنگھ چوہان نے او ڈی او پی کو یوگی حکومت کی سب سے بڑی کامیابی قرار دیا۔
انہوں نے کہا کہ اس کی وجہ سے حکومت کی بین الاقوامی سطح پر ایک منفرد شناخت ہوئی ہے۔
انہوں نے بتایا کہ حکومت کسانوں کے مسائل پر سنجیدگی سے کام کر رہی ہے، اور وہ کسانوں پر مستقل ترجیح میں رکھیں گے۔
