اتر پردیش میں کورونا سے متاثرہ مریضوں کی بڑھتی ہوئی تعداد کے پیش نظر ریاستی حکومت کی طرف سے تمام کوششیں کی جارہی ہیں لیکن آج ہفتے کے روز کے جی ایم یو کے ذریعہ کورونا سے متاثرہ مریضوں کی رپورٹ میں 247 افراد کورونا وائرس سے متاثر ہوئے ہیں۔ اب ریاست بھر میں کورونا سے متاثرہ مریضوں کی کل تعداد 45410 ہوگئی ہے۔
کے جی ایم یو کے ذریعہ 5156 کورونا نمونوں کی جانچ کی گئی، ان میں سے 247 کورونا مریضوں کا انکشاف ہوا ہے۔ یہ تمام مریض اتر پردیش کے مختلف اضلاع سے آئے ہیں۔ یہ تمام نمونے گزشتہ دنوں کے جی ایم یو میں اضلاع کے ذریعہ بھیجے گئے تھے۔ جو کچھ اس طرح ہیں۔
| ضلع | مریضوں کی تعداد |
| لکھنؤ | 74 |
| سنبھل | 42 |
| شاہجہاں پور | 36 |
| ہردوئی | 31 |
| مراد آباد | 24 |
| ایودھیا | 18 |
| بارہ بنکی | 16 |
| متھرا | 2 |
| بستی | 1 |
| بلرام پور | 1 |
| سلطان پور | 1 |
| گونڈا | 1 |
| اعظم گڑھ | 1 |
| پیلی بھیت | 1 |
| کل | 247 |
اس کے بعد لکھنؤ، سنبھل، ہردوئی، قنوج، سیتا پور، للت پور، شراوستی، سلطان پور، بہرائچ، گورکھپور، وارانسی، بلرام پور، شاہجہان پور، بارہ بنکی میں کنٹینمینٹ زون کو یقینی بنایا گیا ہے۔
کورونا کے تمام مریضوں کا لیول-1 کے کووڈ-19 ہسپتال میں داخل کے ساتھ کورونا وائرس کا علاج کرایا جارہا ہے۔ ریاست بھر میں فعال مریضوں کی تعداد 16692 ہے، جبکہ اب تک 27634 مریضوں کو کورونا وائرس سے نجات مل چکی ہے۔ اس کے ساتھ ہی اتر پردیش میں کورونا سے 1084 افراد لقمہ اجل بن چکے ہیں۔ اس کے بعد ریاست بھر میں کورونا سے متاثرہ مریضوں کی کل تعداد بڑھ کر 45410 ہوگئی ہے۔
