سہارنپور: اتر پردیش اسمبلی انتخابات 2022 Uttar Pradesh Assembly Elections کے پیش نظر سماجوادی پارٹی کے امیدوار کارتکیہ رانا نے آج سہارنپور ضلع کے دیوبند اسمبلی حلقہ سے پرچہ نامزدگی داخل کی۔ اس کے ساتھ ہی بیہٹ حلقہ سے عمرعلی خان اور سہارنپور نگر سیٹ سے سابق رکن اسمبلی سنجے گرگ نے بھی پرچہ نامزدگی داخل کی۔
وہیں رویندر مولو نے سہارنپور کے رامپور اسمبلی حلقہ سے بہوجن سماج پارٹی کی جانب سے پرچہ نامزدگی داخل کی، ساتھ ہی سہارنپور کی گنگوہ اسمبلی سے نعمان مسعود نے بھی پرچہ نامزدگی داخل کی۔
بی جے پی پارٹی کی جانب سے 2 امیدواروں نے بھی پرچہ نامزدگی داخل کیے، نکود اسمبلی سے مکیش چودھری اور بیہٹ اسمبلی سے نریش سینی Nomination Papers of Candidates in Saharanpur۔
مزید پڑھیں:
اس دوران ایس پی اور بی ایس پی امیدواروں نے بی جے پی حکومت پر الزام لگاتے ہوئے کہا کہ اگر ہماری حکومت آئی تو ہم کسانوں کے لیے کام کریں گے۔ غریبوں، بے روزگاروں کو متعدد اسکیمز سے جوڑیں گے۔
امیدواروں نے کہا کہ ریاست میں بڑھتے جرائم، بے روزگاری، تعلیم جیسے تمام مسائل کے حوالے سے عوام کے پاس جائیں گے۔
