نوئیڈا میٹرو ریل کارپوریشن نے نوئیڈا کا سیکٹر 50 میٹرو اسٹیشن خواجہ سراؤں کے لیے مختص کرنے کا فیصلہ کیا ہے۔
این آر سی نے اس سے قبل خواتین کی سہولیات پر غور کرتے ہوئے 2 اسٹیشنوں کو گلابی اسٹیشن کے طور پر وقف کیا تھا۔
نوئیڈا میٹرو ریل کارپوریشن (این ایم آر سی) نوئیڈا کے سیکٹر-50 میٹرو اسٹیشن کو ٹرانسجینڈر برادری کے لیے مختص کرنے کا فیصلہ کیا ہے، یہ جانکاری نوئیڈا اتھارٹی کی سی ای او ریتو مہیشوری نے دی۔
مہیشوری نے کہا کہ خواجہ سراؤں کو روزگار فراہم کیا جائے گا تاکہ انہیں قومی دھارے میں شامل ہونے کا موقع مل سکے۔
انہوں نے مزید کہا کہ اسٹیشن تمام مسافروں کے لیے کھلا رہے گا۔
مہیشوری نے کہا کہ 'یہ قدم ٹرانسجینڈر برادری کو ترقی دینے اور ملازمت فراہم کرنے کے لیے اٹھایا گیا ہے۔ اس اقدام کے تحت انہیں ٹکٹنگ کاؤنٹر اور صاف صفائی جیسی کچھ سرگرمیوں میں ملازمت دی جائے گی'۔
انہوں نے مزید کہا کہ 'مختلف این جی اوز جو ٹرانسجینڈر برادری کے لیے کام کرتی ہیں اس اقدام کو آگے بڑھانے میں مدد فراہم کر رہی ہیں۔ یہ اس کے بعد سامنے آیا جب ہم نے خواتین کے لیے سہولیات پر غور کرتے ہوئے دو اسٹیشنوں کو گلابی اسٹیشن کے طور پر وقف کیا'۔
انہوں نے مزید بتایا کہ خواجہ سراؤں کی سہولت کے لیے اسٹیشن پر ٹوائلٹ بھی ہوگا۔ توقع ہے کہ یہ کام ایک ماہ میں مکمل ہوجائے گا۔
