یکم دسمبر کو میرٹھ بلاک گریجویٹ اور اترپردیش قانون ساز کونسل اساتذہ کی ووٹنگ ضلع میں ہونی ہے۔ اسے آزادانہ، منصفانہ اور پرامن طریقے سے منعقد کرانے کے لئے زونل مجسٹریٹ، سیکٹر مجسٹریٹ اور مائیکرو مبصرین کے لئے تربیت کا اہتمام آج وکاس بھون کے آڈیٹوریم میں کیا گیا۔
اس موقع پر تمام زونل مجسٹریٹ، سیکٹر مجسٹریٹ اور مائیکرو مبصرین کو یمنا ڈویلپمنٹ اتھارٹی کے او ایس ڈی شیلندر بھاٹیہ نے بطور ماسٹر ٹرینر بھر پور ٹریننگ دی۔ تاکہ یکم دسمبر کے انتخابات کو ضلع کے تمام مراکز میں آزادانہ، منصفانہ اور پرامن اور مؤثر طریقے سے منعقد کیا جاسکے۔
اس موقع پر چیف ڈویلپمنٹ آفیسر انیل کمار سنگھ، ڈپٹی ڈسٹرکٹ مجسٹریٹ صدر پرسون دویدی، سب ڈویژنل آفیسر دادری انکیت کھنڈوال، ڈپٹی ڈسٹرکٹ مجسٹریٹ جیور رجنی کانت، ڈسٹرکٹ ڈویلپمنٹ آفیسر انور شیخ اور دیگر افسران موجود تھے۔
