نوئیڈا: ٹریفک پولیس کی بروقت مدد سے مریض کی جان بچی

پولیس کا رویہ عام لوگوں کے ساتھ اکثرو بیشتر اچھا نہیں ہوتا ہے لیکن کبھی کبھی پولیس اہلکاروں کی انسان دوستی کے اسیے مناظر سامنے آتے ہیں کہ اس دیکھ کر عام شہری پولیس اہلکاروں کے کاموں کی ستائش کرتے ہیں۔ اسیا ہی کچھ نظارہ نوئیڈا میں دیکھنے کوملا۔

ریاست اتر پردیش کے شہر نوئیڈا میں پولیس اہلکاروں کی انسان دوستی کی مثا ل سامنے آئی ہے۔ دراصل ایک مریض کو دہلی میں واقع گنگا رام اسپتال سے جےپی ہسپتال نوئیڈا اتر پردیش میں ٹرانسپلانٹ کیا جانا تھا ، جسے گنگا رام اسپتال سے نوئیڈا منتقل کیا جانا تھا۔

یہ جانکاری ٹریفک پولیس نوئیڈا کو ملی۔ ڈی سی پی ٹریفک گنیش پرساد نے اس کام کی ذمہ داری ٹریفک انسپکٹر آشوتوش کو سونپی۔ صورتحال کی سنگینی کے پیش نظر ٹریفک انسپکٹر فوری کارروائی کرتے ہوئے چلہ بارڈر پہنچے اور وہاں سے آنے والی گاڑی کو ساتھ لیا اور گرین کوریڈور بناتے ہوئے ایمبولینس کو صرف 14 منٹ میں بحفاظت جے پی ہسپتال سیکٹر 128 نوئیڈا پہنچا دیا گیا۔

ٹریفک پولیس کے اس بروقت کاروائی سے ایک مریض کی جان بچ پائی اسپتال انتظامیہ اور مریض کے لواحقین نے ٹریفک پولیس نوئیڈا کے اس کا م کی ستائش کی ہے ۔