نوئیڈا میں کورونا وائرس کے انفیکشن کے بڑھتے کیسز کے پیش نظر اب ہفتے کے آخر میں میٹرو سروس کو دو دن کے لئے بند رکھنے کا فیصلہ کیا گیا ہے۔
نوئیڈا میٹرو ریل کارپوریشن کی مینیجنگ ڈائریکٹر ریتو مہیشوری نے بتایا کہ اب کورونا کے انفیکشن کے عدم پھیلاؤ کے لئے ہفتے کے آخر یعنی کرفیو کے دوران میٹرو سروس دو دن کے لئے معطل رہے گی۔
حکومت نے ہفتے میں دو دن کے لئے کرفیو نافذ کیا ہے۔ اس بات کو ذہن میں رکھتے ہوئے میٹرو کی خدمات کو بھی معطل کرنے کا فیصلہ کیا گیا ہے۔
انہوں نے بتایا کہ متعدد بار لوگ غیرضروری سفر بھی کرتے ہیں۔ ایسی صورتحال میں انفیکشن پھیلنے کا خطرہ زیادہ ہوتا ہے۔
اب ان دو دنوں میں میٹرو سروس دستیاب نہیں ہوگی۔ ایسی صورتحال میں لوگ گھروں میں ہی رہیں گے اور کورونا کے انفیکشن کو روکنے میں کچھ حد تک مدد ملے گی۔
انہوں نے کہا کہ لاک ڈاؤن کے آخری دو دن کے دوران یہ بھی دیکھا گیا تھا کہ میٹرو میں مسافروں کی تعداد بھی کم ہوتی تھی۔ اسے خیال میں رکھتے ہوئے دو دن کے لئے مکمل طور پر بند رکھنے کا فیصلہ کیا گیا ہے۔ ان دو دنوں میں NMRC بحالی وغیرہ کے کام کرے گی۔ پیر کو اپنے مقررہ وقت پر چلے گی۔
