نوئیڈا کے گوتم بدھ یونیورسیٹی کے میدان میں پانچ ممالک کے گھڑ سواروں کی موجودگی میں انڈین ٹینٹ پیگینگ ٹیم کے کھلاڑیوں نے مجموعی طور پر چھ سونے کے تمغے جیت کر 515 پوائنٹس حاصل کرکے پہلی پوزیشن حاصل کی۔
اس دوران پاکستان 482.5 پوائنٹس کے ساتھ دوسرے نمبر پر رہا۔ سخت ٹکر دینے کے باوجود پاکستان ورلڈ کپ سے کچھ پوائنٹس سے ہار گیا۔ نیپال 457.5 پوائنٹس کے ساتھ تیسرے نمبر پر رہا۔
بیلاروس اور امریکہ کے گھڑسوار کچھ زیادہ نہیں کر سکے۔ دونوں ٹیمیں بالترتیب 220.5 اور 183.5 پوائنٹس اسکور کرکے چوتھے اور پانچویں نمبر پر رہیں۔
تین دن تک جاری رہنے والے اس کوالیفائنگ راؤنڈ میں ہندوستانی ٹیم نے پہلے دن ایک طلائی ، دوسرے دن دو اور آخری دن تین طلائی تمغے جیتے۔
کوچ اور منیجر احمد افسر نے کہا کہ بھارتی ٹیم نے ٹینٹ پیگنگ ورلڈ کپ کے لئے کوالیفائی کرکے ملک کو خوش ہونے کا موقع فراہم کیا ہے ۔
امید ہے کوالیفائر میچ کی طرح بھارتی گھڑ سوار ورلڈ کپ میں بھی عمدہ کارکردگی کا مظاہرہ کریں گے ۔ آئی ٹی پی ایف بورڈ کے ممبر عابد ترین نے کہا کہ اس تاریخی کامیابی کو ہمیشہ یاد رکھا جائے گا۔
ٹینٹ پنگینگ مقابلہ میں کھلاڑی کو گھوڑے پر سوار ہو کر بھالے سے زمین پر گاڑی گئی پٹی کو حاصل کرنا ہوتا ہے۔
