گریٹر نوئیڈا یمنا ایکسپریس وے کے ربو پورہ کوتوالی کے قریب ایک سڑک حادثہ میں چار افراد کی موت ہوگئی ہے۔ حادثے کی اطلاع ملتے ہی پولیس موقع پر پہنچ گئی۔
اطلاع کے مطابق گذشتہ شب تقریبا 12 بجے کے یمنا ایکسپریس وے پر فلیدا کٹ کے قریب ٹاٹا 407 پھل اور لہسن پیاز لے کر دہلی سے آگرہ جارہی تھی۔ اچانک پنچر کی وجہ سے ڈیوائیڈر کراس کر آگرہ-نوئیڈا روڈ پر جا پہنچی۔ اسی دوران آگرہ سے آنے والی بریزا گاڑی سے ٹکرا گئی۔
اس حادثے میں بریزا گاڑی میں سوار نتن شرما ولد چھیل بہاری، اروشی نتن شرما کی اہلیہ، اوشا شرما، ستیش چودھری اور ایک 12 سالہ بچہ کو زخمی حالت میں گریٹر نوئیڈا کے کیلاش اسپتال میں داخل کرایا گیا تھا۔ تاہم چار افراد کی موت ہوگئی ہے۔ ایک شخص آئی سی یو میں داخل ہے۔ ہلاک شدگان ستگھرا کالونی پولیس تھانہ چھتری ضلع متھرا اتر پردیش کے رہائشی ہیں۔
