ڈسٹرکٹ مجسٹریٹ گوتم بودھ نگر سہاس ایل وائی اور پولیس کمشنر آلوک سنگھ دونوں سینئر عہدیداروں کی نگرانی میں عوام کی شکایات سنتے ہوئے ان کا تسلی بخش جواب دینے کی کوشش کی گئی۔ منگل کو سمپورن تحصیل سمادھان دیوس' کے تحت دونوں عہدیدار تحصیل دادری پہنچے۔ ان دونوں سینئر افسران نے دفتر میں آنے والے شکایت کنندوں سے ان کے مسائل سنے اور ان کے حل کے لئے راہ نکالی۔
تحصیل دادری میں جملہ 17 شکایات، افسران کے سامنے آئیں۔ ایک شکایت کو محکمہ کے افسران نے فوراً ہی حل کردیا۔ متعلقہ محکموں کے افسران کو ہدایت کی گئی ہے کہ وہ دیگر شکایات کو دور کریں۔ ڈسٹرکٹ مجسٹریٹ سہاس ایل وائی اور پولیس کمشنر آلوک سنگھ نے تمام شکایت دہندگان کی شکایات پر غور کرنے کے لئے پورا وقت دیا اور جلد از جلد حل کی یقین دہانی کرائی۔
اس دوران چیف ڈویلپمینٹ آفیسر انیل کمار سنگھ، ڈی سی پی راجیش کمار، ڈپٹی ڈسٹرکٹ مجسٹریٹ انکیت کمار اور ضلعی سطح کے بہت سے دوسرے افسران اور ملازمین موجود تھے۔
