بارہ بنکی سے رواں برس بھی کسی کے حج پر جانے کے امکانات نہیں

بارہ بنکی ضلع سے رواں برس بھی کسی شخص کے مقدس حج کے سفر پر جانے کے امکانات نہ کے برابر ہیں۔ اس کا اندازہ اس بات سے لگایا جا سکتا ہے کہ حج کمیٹی آف انڈیا کے نئے احکامات پر کسی کو بھی عمل کرنے کی دلچسپی نہیں ہے۔

ریاست اتر پردیش کے بارہ بنکی ضلع سے رواں برس بھی کسی شخص کے مقدس حج کے سفر پر جانے کے امکانات نہ کے برابر ہیں۔ روز بہ روز حج کے لیے نئے احکامات جاری ہونے سے زیادہ تر درخواست کنندہ حج کے ارادے کو منسوخ کر رہے ہیں۔

اس کا اندازہ اس بات سے لگایا جا سکتا ہے کہ حج کمیٹی آف انڈیا کے نئے احکامات پر کسی کو بھی عمل کرنے کی دلچسپی نہیں ہے۔

واضح رہے کہ بارہ بنکی ضلع سے کل 75 افراد نے حج 2021 کے لئے درخواست کی تھی۔

ان میں سے کافی لوگوں کو عمرہ کے لئے نئے احکامات جاری ہونے سے خود بہ خود باہر ہو گئے ہیں۔ اب باقی بچے افراد حج کمیٹی آف انڈیا کے ویکسینیشن اور میڈکل ہسٹری کا سرٹیفکیٹ اپلوڈ کرنے کے لیے احکامات پر کوئی دلچسپی نہیں دکھا رہے ہیں۔

تمام درخواست کنندہ کو حج کمیٹی اور حج سینٹر کی جانب سے پیغام بھیجے گئے ہیں، لیکن اس کے باوجود ابھی تک کسی نے اس عمل غور نہیں کیا ہے۔
غور طلب ہے کہ سعودی عرب حکومت نے رواں برس 60 ہزار افراد کے حج کا اعلان کیا ہے، ان میں سے 15 ہزار عازمین حج عرب سے ہوں گے. 45 ہزار دیگر تمام ممالک کے عازمین حج ہونگے۔ اب بھارت سے کتنے عازمین حج کو حج کا موقع دی جائے گا ابھی اس کا کوئی فیصلہ نہیں ہوا ہے.