اترپردیش کانگریس پارٹی کے ترجمان کا الزام ہے کہ ' بی جے پی گاندھی جینتی کے بہانے سیاسی فائدہ حاصل کرنا چاہتی ہے'۔
بارہ بنکی میں ای ٹی وی بھارت سے خصوصی بات چیت میں پارٹی ترجمان پی ایل پنیا نے کہا کہ ' مہاتما گاندھی کی 150ویں جینتی کے موقع پر ہر کوئی جوش و خروش سے خوشیاں منا رہا ہے۔ لیکن بی جے پی اس کے ذریعہ سیاسی فائدہ حاصل کر رہی ہے'۔
مزید پڑھیں : ریپو ریٹ میں 0.25 فیصد تخفیف
یوپی اسمبلی کے خصوصی اجلاس میں شامل نہ ہونے کے سوال پر انہوں نے کہا کہ ' ہمارا اعتراض یہ تھا کہ اس موقع پر مہاتما گاندھی کے قاتل ناتھو رام گوڈسے کے خلاف تجویز پاس کی جائے کہ وہ قاتل اور دہشت گرد ہے، لیکن بی جے پی اس کے لیے تیار نہیں ہیں' ۔
پی ایل پنیا نے بتایا کہ اسی وجہ سے کانگریس خصوصی اجلاس میں شامل نہیں ہوئی۔
کانگریس رکن اسمبلی آدتی سنگھ کے اس اجلاس میں شامل ہونے پر پنیا نے کہا کہ 'کانگریس ایسی پارٹی ہے جو ہر کسی کو آزادی فراہم کرتی ہے۔ انہوں نے کہا ان کے اس اجلاس میں شامل ہونے کی اطلاع ہائی کمان کو ہے اگر وہ چاہیں گے تو کاروائی کریں گے'۔
