نوئیڈا: پولیس کمشنریٹ نے گینگسٹر سندر بھاٹی کے قریبی نظام الدین عرف منیم کے خلاف گینگسٹر ایکٹ کے تحت کارروائی کرتے ہوئے آج 52 لاکھ روپے کی جائیداد ضبط کی ہے۔
پولیس کا کہنا ہے کہ ملزم اسکریپ کے ٹھیکے لے کر غیر قانونی طور پر رقم کماتا تھا اور اس سے جائیداد خریدتا تھا۔
منیم ٹھیکیدار تقریبا 20 سالوں سے ملٹی نیشنل کمپنیوں سے نکلنے والے اسکریپ کا ٹھیکہ لیتا تھا اس کاروبار میں اس کے کنبے کے کئی افراد کے ساتھ ساتھ اس کی بیوی اور بیٹے بھی ملوث تھے۔
پولس کے مطابق سبھی کے خلاف گینگسٹر ایکٹ کے تحت گرفتار کرکے جیل بھیج دیا گیا ہے۔ اور اب تک منیم کی تقریبا 10 کروڑ روپے کی جائیداد ضبط ہوچکی ہے۔
