تاجر حضرات نے سڑکوں پر سلوگن لکھی تختیاں ہاتھوں میں لے کر موٹر سائیکل اور کار سوار لوگوں کو پھول پیش کر، آلودگی سے بچنے کی تلقین کی۔
سڑک پر پر چل رہے راہگیروں نے بھی تاجروں کی اس مہم کی ستائش کی ۔
کانپور میں تاجر جماعت کی تنظیم 'اترپردیس پرانتیہ ویپار منڈل سبھا کانپور' میں بڑھتی آلودگی کو کم کرنے کے لئے نہ صرف فکرمند ہے بلکہ عوام کو بیدار کرنے کی مہم بھی چلا رہی ہے۔
کانپورمیں آلودگی کی شرح 150 سے کم ہونی چاہئے تاہم اس وقت 430 پی ایم پر پہنچ گئی ہے۔
تاجروں کی تنظیم ویاپار منڈل سبھا کا مقصد ہے کہ جو لوگ سڑکوں پر اپنی گاڑیوں سے سفر کر رہے ہیں جب کبھی وہ جام میں پھنستے ہیں یا چوراہوں پر ریڈ سگنل پر رکنا پڑتا ہے تو اس وقت ان کی گاڑیاں چالو رہتی ہیں۔
تاجروں کی تنظیم کے کارکنان نے کانپور کے پریڈ چوراہے پر ایسی گاڑیوں کو جو جام پھنسی ہوئی ہیں یا پھر چوراہوں پر لال بتی پر کھڑی ہوئی ہیں اور چالو حالت میں ہے انہیں پھول دے کر ان سے اپیل کی اپنی گاڑی کو بند کر دیں۔
تاجروں کا کہنا تھا کہ اگر اس موقع پر آپ اپنی گاڑی کو بند رکھیں گے تو پٹرول بھی جلنے سے بچے گا اور آلودگی بھی کم ہوگی۔
تنظیم کے کارکنان نے نے ایسے لوگوں کو پھول پیش کیا اور انہیں فضائی آلودگی کے تعلق سے بیدار کرنے کی کوشش کی ۔
تاجروں کی تنظیم کی سڑکوں پر عوام کو پھول پیش کرنے کی یہ مہم بہت کارگر اور مفید ثابت ہوئی۔
خیال رہے کہ چوراہوں سڑکوں پر جب آپ اپنی گاڑیاں روکتے ہیں تو اس وقت اپنی گاڑیوں کے انجن کو بند کر لیں جس سے ک دھنواں کو پھیلنے سے روکا جاس کے ۔
گاڑیوں سے نکلنے والے دھوئیں سے خطرناک گیس پیدا ہوتی ہے، جس سے آلودگی پیدا ہوتی ہے، جو انسان کی صحت کے لیے مضر ہے۔
اس لیے اس کے بچاؤ کی تدبیر کرنا بے حد ضروری ہے۔
