ریاست اترپردیش کے ضلع غازی آباد میں کورونا وائرس کے انفیکشن کو روکنے کے لیے ضلع کے مختلف علاقوں میں سوڈیم ہائپوکلورائد سالیوشن سے سینیٹائز کیا جا رہا ہے جو عالمی وباء کی شکل اختیار کرچکا ہے۔ غازی آباد کے کملا نہرو نگر میں واقع آٹھویں بٹالین این ڈی آر ایف نے آس پاس کے علاقوں کو سوڈیم ہائپوکلورائد سالیوشن سے صفائی کی۔
این ڈی آر ایف کی ٹیم نے آر کے پورم، گووند وہار، کیشو کنج، کرپوری پورم اور گووند پورم علاقوں کو سینیٹائز کیا۔ اس دوران این ڈی آر ایف کی ٹیم نے سڑک کی صفائی کرنے والے ملازمین میں ماسک اور انرجی ڈرنکس بھی تقسیم کیے۔
