کچھ دن قبل نشاد پارٹی کے صدر سنجے نشاد نے اکھلیش یادو کتے ساتھ صحافیوں سے بات کرتے ہوئے کہاتھا کہ ہم جس طرح سے 2018 میں گورکھپور کی سیٹ پر بی جے پی کو شکست دیا تھا، اس بار بھی انھیں زبردست شکست دیں گے۔
سنجے نشاد کے اس بیان سے اکھیلیش یادو اور ان کی ٹیم کافی خوش تھی، لیکن ان کی خوشی چار دن بھی نہیں رہ سکی۔
ذرائع کے مطابق نشاد پارٹی کے قومی صدر سنجے نشاد گزشتہ رات بی جے پی کا دامن تھام لیا، جبکہ بی جے پی نے انھیں 2 سیٹیں دینے کا اعلان کیاہے۔
اطلاع ہے کہ بی جے پی نشاد پارٹی کو گورکھپور اور جون پور کی سیٹ دے سکتی ہے، گورکھپور کے موجودہ پارلیمان پروین نشاد کو دوبارہ سے نشاد پارٹی اپنا امیدوار بنا سکتی ہے، جبکہ جونپور سے دھننجے سنگھ کو نشاد پارٹی اپنا امیدوار بنا سکتی ہے۔
