مظفر نگر: ریاست اتر پردیش کے ضلع مظفر نگر کے مشہور آرتھوپیڈک سرجن ڈاکٹر دانش خان نے اسکیٹ شوٹنگ چمپیئن شپ میں اسٹیک نشانہ لگائے ہوئے گولڈ میڈل کا خطاب اپنے نام کیا ہے۔ ڈاکٹر دانش خان کا اس سال منعقد ہونے والے شوٹنگ کے مختلف مقابلوں میں یہ چوتھا گولڈ میڈل ہے۔ ڈاکٹر دانش خان نے شوٹنگ میں اپنی صلاحیتوں کا لوہا منوا کر ضلع کا سر فخر سے اونچا کیا ہے۔ مظفر نگر کے آرتھوپیڈک سرجن ڈاکٹر دانش خان نے دہلی کے ڈاکٹر کرنی سنگھ شوٹنگ رینج میں منعقدہ 46ویں اتر پردیش شوٹنگ مقابلے میں حصہ لیا۔ جس میں انہیں زبردست پرفارمنس پر گولڈ میڈل کے خطاب سے نوازا گیا۔
انہوں نے بتایا کہ اس سال شوٹنگ مقابلوں میں یہ ان کا لگاتار چوتھا گولڈ میڈل ہے۔ 1990 سے اب تک یہ ان کا 17واں گولڈ میڈل ہے۔ انہوں نے بتایا کہ قومی شوٹنگ مقابلہ نومبر کے مہینے میں منعقد کیا جانا ہے۔ جس کی تیاری جاری ہے۔ گزشتہ قومی مقابلے میں وہ گولڈ میڈل سے ایک پوائنٹ سے چوک گئے تھے۔ انہوں نے چیمپیئن آف دی چیمپئنز کا خطاب بھی 2 ماہ قبل حاصل کیا۔ ڈاکٹر دانش خان نے شوٹنگ میں اپنی صلاحیتوں کا لوہا منوا کر ضلع کا سر فخر سے اونچا کیا ہے۔ اس سے قبل مئی کے مہینے میں منعقدہ گرینڈ فری شوٹنگ چیمپئن شپ میں بھی شرکت کرتے ہوئے انہوں نے ایک بڑی کامیابی حاصل کی تھی۔ انہیں چیمپئن آف دی چیمپئنز کے خطاب سے نوازا گیا۔ اس سے قبل وہ پٹیالہ اور دہلی میں منعقدہ مختلف مقابلوں میں اسکیٹ شوٹنگ میں بھی گولڈ میڈل جیت چکے ہیں۔
ISSF World Cup: معراج خان کا تاریخی کارنامہ، اسکیٹ میں بھارت کو دلایا پہلا طلائی تمغہ
ڈاکٹر دانش خان نے بتایا کہ انہیں شوٹنگ کا شوق ان کے ننہیال سے لگا۔ میرے ماموں اور مامو زاد بھائی نایاب نیشنل شوٹر رہے ہیں اور انڈین کیمپ کا بھی حصہ رہے ہیں۔ بس ان ہی کو دیکھتے ہوئے مجھے شوٹنگ کا شوق پیدا ہوا۔ انہوں نے بتایا کہ میں نے 1990 میں شوٹنگ چیمپین شپ میں شرکت کیا اور پہلے ہی ایونٹ میں مجھے برونز میڈل ملا۔
انہوں نے بتایا کہ 1990 میں، میں نیشنل چیمپیئن شپ کھیل سکتا تھا لیکن 1990 سے 2005 تک پیسے جمع کرنے میں مجھے 15 سال لگ گئے تاکہ میں نیشنل چیمپیئن شپ میں پریکٹس کر سکوں۔ جب 2005 میں میری جاب لگ گئی اور میری ایم بی بی ایس کی ڈگری مکمل ہو گئی۔ اب اس کے بعد سے میں نیشنل کھیل رہا ہوں۔ انہوں نے بتایا کہ گولڈ جیتنے میں اسٹیٹ کا تو کوئی کاؤنٹ نہیں ہے۔ تقریباً 24 سے 25 گولڈ ہوں گے۔ اسٹیٹ میں میرا اب تک نیشنل میں سب سے بڑا برونز میڈل ہے۔ نارتھ زون میں براؤز میڈل ہے اور اس سال شوٹنگ ایونٹ میں میرا چوتھا گولڈ میڈل ہے۔
