ڈی ایم سیلوا کماری جے نے اسکولوں میں اضافی فیس وصول کرنے کے حوالے سے کلکٹریٹ کے آڈیٹوریم روم میں نجی اسکولوں کے پرنسپلز کے ساتھ میٹنگ کی۔
ریاست اتر پردیش کے ضلع مظفر نگر کے کلیکٹرٹریٹ کے آڈیٹوریم روم میں آج ضلع کلکٹر سیلوا کماری جے نے شہر کے نجی اسکولوں کے پرنسپلز کے ساتھ میٹنگ کی۔
اس میٹنگ میں ڈی آئی او ایس اور سی ڈی ای او کے علاوہ مظفر نگر کے مرکزی اسکولوں کے پرنسپل بھی موجود تھے۔
ضلع کلکٹر سیلوا کماری جے نے بتایا کہ فیس کے اسٹرکچر پر حکومت کی جانب سے ایک کمیٹی تشکیل دی گئی ہے جس کی سربراہی ضلع مجسٹریٹ کرتے ہیں جس میں ڈی آئی او ایس اور سی ڈی او ممبران موجود ہیں۔
انہوں نے کہا حکومت کی جانب سے اسکولوں کے فیس کے سلسلے میں فیس اسٹرکچر سے متعلق ہدایات دئیں گئیں ہیں۔
انہوں نے کہا ہمیں نجی اسکولوں میں اضافی فیس کے حوالے سے کافی شکایات موصول ہوتی ہے جو ناقابل قبول ہے۔ انہوں نے کہا میٹنگ میں ہم نے واضح ہدایات دی کہ بار بار فیس میں اضافہ برداشت نہیں کیا جائے گا۔
انہوں نے کہا اس سلسلہ میں حکومت کی جانب سے ایک ویب سائٹ بھی بنائی گئی ہے جس میں بچوں کے والدین بھی فیس کا اسٹرکچر دیکھ سکیں گے تاکہ وہ جان لیں کہ فیس پر حکومتی پولیسی کیا ہے۔
انہوں نے مزید کہا اگر اسکولوں نے حکومت کی جانب سے بنائی گئی پولیسی کی خلاف ورزی کی تو سخت قانونی کارروائی عمل میں لائی جائے گی۔
