مرکزی وزیر مملکت ڈاکٹر سنجیو بالیان اور وزیر مملکت کپل دیو اگروال نے مظفر نگر وکاس بھون سے ہری جھنڈی دکھا کر وین کو روانہ کیا۔
مظفر نگر میں مسلسل کورونا کیسز سامنے آرہے ہیں۔ گزشتہ روز پانچ نئے کورونا مثبت کیسز پائے گئے۔ راحت اطمینان کی بات یہ بھی ہے کہ ڈاکٹرز کی ٹیم نے سات مثبت مریضوں کو ٹھیک بھی کیا ہے۔
ضلع انتظامیہ نے کورونا کے پھیلاؤ کو روکنے کے لیے مظفرنگر کے وکاس بھون سے کووڈ ویکسینیشن ایکسپریس وین کا آغاز کیا ۔
اس وین کے ذریعے 60 سالہ بزرگ لوگوں کو ان کی رہائش گاہ سے ضلع ہسپتال ویکسینیشن کے لیے لایا جائے گا اور ویکسینیشن کے بعد ان کو ان کی رہائش گاہ پر چھوڑا جائے گا ۔ کووڈ ویکسینیشن ایکسپریس وین کے آغاز کے موقع پر ضلع مجسٹریٹ سیلوا کماری جے، سی ڈی آؤ آلوک کمار یادو، اے ڈی ایم امیت سنگھ، سٹی مجسٹریٹ کے ساتھ ساتھ انتظامیہ کے دیگر افسران بھی موجود رہے ۔
