ریاست اُترپردیش کے ضلع مظفرنگر کے ڈی ایم آفس میں واقع این آئی سی کے دفتر میں لکھنؤ سے چیف سکریٹری نے ویڈیو کانفرنس کے ذریعے کووڈ 19 ویکسین کے ڈرائی رن سے متعلق ایک آن لائن میٹنگ کی جس میں میں چیف میڈیکل آفیسر اور کووڈ 19 ٹیم کو ضروری ہدایات دی گئیں۔
آپ کو بتا دیں کہ کورونا ویکسین کے ڈرائی رن کو لے کر گزشتہ روز مظفر نگر میں 6 مقامات پر ڈرائی رن کا اہتمام کیا گیا تھا۔ اس کے آگے کی تیاری کو لے کر ایڈیشنل پرنسپل سکریٹری نے ویڈیو کانفرنسنگ کے ذریعے محکمہ صحت کو ضروری ہدایات دیں۔ اس ویڈیو کانفرنس میں چیف میڈیکل آفیسر کے ساتھ ساتھ تمام صحت کے افسران موجود رہے۔
مظفر نگر ضلع کے چیف میڈیکل آفیسر پروین کمار چوپڑا نے اس سے متعلق مزید معلومات دیتے ہوئے بتایا کہ مظفرنگر میں واقعی این آئی سی کے دفتر میں ایڈیشنل پرنسپل سکریٹری نے ویڈیو کانفرنس کے ذریعے ایک آن لائن میٹنگ کی جس میں ڈرائی رن سے متعلق مزید معلومات کے ساتھ ساتھ ضروری ہدایات بھی دی گئیں۔
واضح رہے کہ اس سے قبل بھی مظفرنگر میں 6 مقامات پر ڈرائی رن کی تیاری کی جا چکی ہے۔ اب اس کے دوسرے مرحلے میں بروز پیر کے روز ڈرائی رن ہوگا۔ پہلے یہ مظفر نگر میں 6 مقامات پر چلا تھا پر اب مظفر نگر میں جہاں پر بھی ویکسی نیشن کا کام کیا جائے گا سبھی مقامات پر یہ ڈرائی رن چلے گا۔
