اترپردیش کے ضلع مظفر نگر میں آج ڈسٹرکٹ بار ایسوسی ایشن کے وکلا نے ضلع کلیکٹریٹ میں جمع ہوکر کیرانہ کی سابق ممبر پارلیمان تبسم حسن اور رکن اسمبلی ناہد حسن کے خلاف گینگسٹر کی کارروائی کے خلاف ضلع بار ایسوسی ایشن نے مظاہرہ کرتے ہوئے ڈسٹرکٹ مجسٹریٹ کو گورنر کے نام ایک میمورنڈم پیش کیا۔
مظفر نگر ڈسٹرکٹ بار ایسوسی ایشن کے وکلاء کا مظاہرہ
انہوں نے کہا کہ ایسا لگتا ہے کہ سابق ممبر پارلیمان تبسم اور ناہد حسن کے ذریعہ مسلسل کسانوں کے مسائل اور عوامی مسائل پر بولنا اور حال ہی میں تین زرعی قوانین کو واپس لینے کی مطالبہ کی وجہ سے ریاستی حکومت کے اشارے پر گینگسٹر ایکٹ کے تحت کارروائی کی گئی ہے۔
انہوں نے حکومت سے مطالبہ کرتے ہوئے کہا کہ ہم آپ سے گزارش کرتے ہیں کی کیرانہ رہنماؤں کے اوپر گینگسٹر ایکٹ کی کارروائی کو منسوخ کیا جائے۔ اگر حکومت ہمارے مطالبات کو تسلیم نہیں کرتی ہے تو ہم پرامن احتجاج کریں گے۔
