مرادآباد: کچی شراب بنانے والے دو افراد گرفتار

اترپردیش کے مرادآباد کے سٹی ایس پی امت آنند کی قیادت میں خفیہ اطلاع کی بنیاد پر چھاپہ ماری کرکے شراب بناکر فروخت کرنے والے دو افراد کو گرفتار کیا گیا ہے۔

اتر پردیش کے مرادآباد ایس پی سٹی امت آنند نے کچی شراب بناکر فروخت کرنے والے دو لوگوں کو گرفتار کرکے جیل بھیج دیا ہے۔

معاملے کا خلاصہ کرتے ہوئے ایس پی سٹی نے میڈیا اہلکاروں کو بتایا کہ کچی شراب بنانے والے دو افراد کو گرفتار کیا گیا ہے، اس کے پاس سے شراب بنانے والے سامان بھی برآمد کیے گئے ہیں۔ جس میں تین کلو یوریا، 20 لیٹر کچی شراب شامل ہیں۔

پولیس کو اطلاع ملی تھی کی کچھ لوگ ندی پار کھیتوں میں کچی شراب بناکر فروخت کرنے کا کاروبار کرتے ہیں۔ جس کے بعد پولیس نے موقع پر پہنچ کر چھاپہ ماری کی اور لوگوں کے ساتھ کچی شراب بنانے کا سامان بھی برآمد کیا ہے۔

گرفتار کیے گئے دونوں افراد مرادآباد تھانہ ناک فنی کے رہنے والے ہیں۔