مراد آباد: آج منایا جائے گا جشن عید غدیر

اتر پردیش کے شہرمراد آباد سمیت ملک کے متعدد حصوں میں شیعہ مسلک سے وابستہ افراد ماہ ذی الحجہ کی 18 تاریخ کو جشن عید غدیر مناتے ہیں۔ اس موقع پر امام بارگاہ، عبادت گاہوں اور گھروں پر نذر و نیاز اور محفل میلاد کا انعقاد کرتے ہیں۔

ریاست اتر پردیش کے مرادآباد کے آزاد نگر امام بارگاہ میں ہر سال کی طرح اس سال بھی جشن عید غدیر 18 ذی الحجہ بروز جمعرات بعد نماز مغرب ایک محفل کا اہتمام کیا جائے گا۔

اس محفل میں مقامی اور بیرونی شعرا شرکت کریں گے اور حضرت علی علیہ السلام کی شان میں اپنا کلام پیش کریں گے۔

مراد آباد آزاد نگر امام بارگاہ میں جشن عید غدیر کا اہتمام کرنے والے سید عباس حیدر زیدی نے ای ٹی وی بھارت سے بات چیت میں بتایا کہ عالمی وبا کورونا وائرس کے پیش نظر انتظامیہ کی جانب سے جاری کردہ رہنما خطوط پر عمل کرتے ہوے چند شعرا محفل میں شرکت کر کے اپنے کلام پیش کریں گے۔