’منریگا کے تحت 40 ہزار مزدوروں کو ملا روزگار ‘

ریاست  اترپردیش کے ضلع بستی کے ڈسٹرکٹ مجسٹریٹ نے کہا کہ مہاتما گاندھی روزگار گارنٹی اسکیم کے تحت مل رہے کام سے جہاں نقل مکانی روکنے میں مدد ملی ہے تووہیں موجودہ وقت میں 40ہزار مزدوروں کو روزگار ملا ہے۔

بستی کے ڈسٹرکٹ مجسٹریٹ آشوتوش نرنجن نے کہا کہ ضلع کے 1045 گرام پنچایتوں میں منریگا کے تحت کام چل رہا ہے۔

انہوں نے بتایا کہ تقریبا 40 ہزار مزدور اس اسکیم کے تحت اپنے اپنے گاؤں میں کام کررہے ہیں ۔

ان مزدوروں کو یومیہ 182 روپئے مزدوری ان کے بینک کھاتوں میں بھیجا جارہا ہے۔

ضلع میں 15081 کنبوں کو 100 دن کا روزگار ملا ہے۔

نرنجن نے بتایا کہ منریگا کی وجہ سے ضلع میں مزدوروں کو آسانی سے روزگار مل رہا ہے۔