سنّی وقف بورڈ الیکشن کے لئے ووٹر لسٹ میں سات رکن پارلیمان اور 31 رکن قانون ساز اسمبلی، دو بار کاؤنسلنگ ممبر اور 592 متولّیوں کے نام شامل ہیں۔
مرادآباد سے سماج وادی پارٹی کے رکن پارلیمنٹ ڈاکٹر ایس ٹی حسن نے میڈیا سے بات چیت کرتے ہوئے کہا کہ سات مسلم رکن پارلیمان میں میرا نام بھی ووٹر لسٹ میں شامل ہے۔
انہوں نے مزید کہا کہ وقف بورڈ کی بہت بڑی ذمہ داریاں ہیں۔ آج جس طرح سے وقف بورڈ کی جائیداد پر لوگوں نے ناجائز قبضے کر رکھے ہیں، ان قبضوں کو ہٹانا اور وقف کی جائیداد کا تحفّظ کرنا وقف بورڈ کی پوری ذمہ داری ہونی چاہیے۔
انہوں نے کہا کہ ہائی کورٹ کے حکم پر یہ الیکشن ہو رہا ہے، حکومت کا رویّہ ہمیشہ اقلیت کے خلاف رہا ہے، ہمیشہ سے ہی مرکزی اور صوبائی حکومت کا یہی رویّہ رہا ہے کہ اقلیت کے تمام کاموں کو نہیں ہونے دیا گیا۔
وقف بورڈ کا چیئرمین کون اور کیسا ہونا چاہیے کے سوال کا جواب دیتے ہوئے انہوں نے کہا کہ جو اچھا اور بہتر ہو اس کو ترجیح دینی چاہیے۔
