احتجاج کر رہے سرپرستوں کا کہنا ہے کہ کورونا وائرس اور لاک ڈاؤن میں لوگوں کے کاروبار پر کافی اثر پڑا ہے ایسے میں آن لائن پڑھائی کے بعد پورے سال کی فیس وصول کی جا رہی ہے۔
مرادآباد پیرنٹس آل آف اسکول کے زیر اہتمام احتجاج کے دوران نعرہ لگاتے ہوئے کہا کہ جتنی پڑھائی ہوئی ہے اتنی ہی فیس لی جائے۔ لاک ڈاؤن میں لوگوں کے کاروبار بند تھے لیکن اسکول انتظامیہ کے ذریعے پوری فیس وصول کی جا رہی ہے۔
سرپرستوں نے کہا کہ کی اترپردیش حکومت کے ذریعے 20 مئی 2021 سے سبھی اسکولوں کو حکم دیا گیا تھا کوئی بھی اسکول بچوں سے پوری فیس وصول نہیں کرے گا لیکن حکومت کے اس حکم کو نظر انداز کر کے کئی اسکول من مانی فیس وصول کر رہے ہیں۔
یہ بھی پڑھیں: مراد آباد: اسکول کی فیس معاف کیے جانے کے لیے احتجاج
سرپرستوں نے حکومت سے مطالبہ کیا کہ آن لائن پڑھائی بند کر کے جلد سے جلد اسکول کھولے جائیں۔
