مرادآباد: ڈاکٹر ایس ٹی حسن نے نئے زرعی قوانین کی مخالفت کی

ریاست اترپردیش کے ضلع مرادآباد سے رکن پارلیمان ڈاکٹر ایس ٹی حسن نے زرعی قوانین پر بات کرتے ہوئے کہا کہ سماج وادی کے تمام لیڈران اس قوانین کے خلاف ہے اور ملک کے کسانوں کے ساتھ کھڑے ہیں۔

مرکزی حکومت کے ذریعہ پاس کرائے گئے تین نئے زرعی قوانین کے خلاف ملک کے مختلف ریاستوں میں کسان احتجاج کر ان قوانین کو واپس لینے کی مانگ کر رہے ہیں۔ مرادآباد سے سماج وادی پارٹی کے رکن پارلیمان نے ڈاکٹر ایس ٹی حسن نے ان تین نئے زرعی قوانین پر کہا کہ جب یہ قوانین پاس ہو رہے تھے تو میں نے ہی ان قوانین کی مخالفت کی تھی ۔

سابق وزیر اعلی اکھلیش یادو اور سماج وادی پارٹی کے سبھی لیڈران ان قوانین کے خلاف ہیں اور ملک کے کسانوں کے ساتھ قدم سے قدم ملاکر ہم کھڑے ہیں۔ جو کسان زمین سے اناج پیدا کرتا ہے اور سبھی کو روٹی کھلاتا ہے آج وہ کسان اتنی ٹھنڈ میں سڑکوں پر پڑا ہے اور اپنے حق کے لئے لڑ رہا ہے ۔انہوں نے مزید کہا کہ ہمیں معلوم ہے کہ صرف زرعی سیکٹر ہی بچا ہوا ہے جو اب تک کارپوریٹ کے ہاتھوں میں نہیں گیا تھا۔ملک کا کسان سیاسی پارٹی کو سو دوسو کروڑ کا چندہ نہیں دے سکتا تھا اسی لئے مرکزی حکومت نے یہ تین زرعی قوانین پاس کر کسانوں کی کھیتی کو کارپوریٹ کے ہاتھوں میں دے دیا ہے۔ ہم یہ مانگ کرتے ہیں ان قوانین میں کوئی بھی تبدیلی نہ کرتے ہوئے سیدھے طور پر ان قوانین کو واپس لیا جائے۔