مرادآباد: بجلی بل معاف کرنے کا مطالبہ

سماج وادی پارٹی کے رکن اسمبلی محبوب علی نے بجلی بل کے معاف کرنے کا مطالبہ کیا ہے۔ جن گھروں میں پانچ کلو واٹ بجلی کے میٹر لگے ہیں، ان کے بجلی کے بل معاف کیے جائیں۔

اتر پردیش کے ضلع امروہہ سے سماج وادی پارٹی کے ایم ایل اے محبوب علی نے میڈیا سے بات چیت کرتے ہوئے بتایا کہ، 'ہم نے ریاستی حکومت سے مطالبہ کیا ہے کہ جن لوگوں کے گھروں میں 5 کلو واٹ بجلی کے میٹر لگے ہوئے ہیں۔ ان گھروں کے بجلی کے بل معاف کئے جائیں۔'

محبوب علی نے کہاں کہ، 'جس وقت پورے ملک میں لاک ڈاؤن لگا تھا، اس وقت لوگوں کے کاروبار بند تھے۔ آمدنی کا ذریعہ کہیں سے نہیں تھا۔ ان حالات کو دیکھتے ہوئے ریاست اترپردیش کے وزیر اعلی یوگی آدتیہ ناتھ کو گھروں میں لگے 5 کلو واٹ تک میٹر کے بل معاف کیا جانے چاہیے۔'

ساتھ ہی انہوں نے مطالبہ کیا کہ، 'جن کارخانوں میں کمرشیئل بجلی کے میٹر لگے ہیں۔ ان کارخانوں کے آدھے بجلی کے بل معاف کیے جائیں۔'

محکمہ بجلی کے اعلی افسران پر الزام لگاتے ہوئے انہوں نے کہا کہ، 'محکمہ بجلی لوگوں کے پاس زیادہ سے زیادہ بجلی کے بل بھیج رہے ہیں اور ان بجلی کے بلوں کو صحیح کرانے کے لیے محکمہ بجلی کے ملازم رشوت مانگتے ہیں۔'