ریاست اترپردیش کے شہر بہرائچ کے کمیونٹی ہیلتھ سینٹر سجولی کے انچارج ڈاکٹر کے ساتھ علاقے کے ایک جھولا چھاپ ڈاکٹر کی جانب سے بدسلوکی کی گئی ہے، جس کی شکایت ڈاکٹر نے پولیس سے کی ہے۔
کوروناوائرس سے لوگوں کی حفاظت کے لیے محکمہ صحت کے لوگ دن رات ایک کرکے اپنی خدمات دے رہے ہیں، ایسی صورت میں ضلع بہرائچ کے تحصیل موتی پور کے تحت سجولی علاقے میں ایک ڈاکٹر کے ساتھ بدسلوکی کا واقعہ سامنے آیا ہے۔
بتایا جارہا ہے کہ جس شخص نے ہیلتھ ورکر کے ساتھ بدسلوکی کی ہے وہ اس علاقے کا ایک جھولا چھاپ ڈاکٹر ہے۔
متاثرہ ہیلتھ ورکر نے تھانہ سجولی کی پولیس کو اطلاع دی اور شکایت درج کروائی۔
سجولی میں تعینات کمیونٹی ہیلتھ آفیسر ڈاکٹر کنچن نے بدھ کے روز یہاں بتایا کہ جب وہ صبح کوارینٹن مرکز پہنچے اور لوگوں کا دیکھ بھال شروع کی، تو کستوربا سکول سجولی تو مقامی جھولا چھاپ ڈاکٹر اپیندر سنگھ عرف بہاری شوسل ڈسٹنسنگ کی خلاف ورزی کرتے ہوئے بھیڑ اکٹھا کررکھی تھی، اس کے گلے میں پرائمری ہیلتھ سینٹر سجولی کا کارڈ لٹکا ہوا تھا۔
ڈاکٹر کنچن نے بتایا کہ جب انھوں نے اس سے کارڈ مانگا تو اس نے گالی گلوچ کرنا شروع کردیا اور بدکلامی کی، متاثرہ ڈاکٹر کا کہنا ہے کہ مقامی ہونے کی وجہ سے اس نے مجھے جان سے مارنے کی دھمکی بھی دی ہے۔
انہوں نے بتایا کہ اس واقعے کی اطلاع میں نے اپنے اعلیٰ افسران اور سجولی پولیس کو دے دی ہے۔
