بارہ بنکی: اسکالرشپ کا فارم بھرنے میں اقلیتی طلبا کو مشکلات کا سامنا

بارہ بنکی میں اس دفعہ اقلیتی طلبا کو اسکالرشپ کا فارم بھرنے میں کافی مشکلات پیش آرہی ہیں۔ طلبا کو خدشہ ہے کہ کہیں اس دفعہ وہ اسکالرشپ سے محروم نہ ہو جائیں۔

ریاست اترپردیش کے ضلع بارہ بنکی میں نیشنل اسکالرشپ پورٹل پر بھرے جا رہے اس فارم کے ایک کالم نے طلبا کو کشمکش میں ڈال رکھا ہے۔ طلبا کو خدشہ ہے کہ کہیں اس دفعہ وہ اسکالرشپ سے محروم نہ ہو جائیں۔

قابل غور ہو کہ ان دنوں اقلیتی طلبا کو دیے جانے والے اسکالرشپ کے فارم بھرے جا رہی ہیں۔ 30 اکتوبر کو فارم بھرنے کی آخری تاریخ ہے۔ لیکن نیشنل اسکالرشپ پورٹل پر گزشتہ درجے کے نمبرات کا فیصد ڈالنا طلبا کے لیے مشکل ہو رہا ہے۔

اسکالرشپ کا فارم بھرنے میں اقلیتی طلبا کو دقتوں کا سامنا

وجہ یہ ہے کہ کووڈ-19 کی وجہ سے اس دفعہ تمام طلبا کو آئندہ درجے میں پرموٹ کر دیا گیا ہے۔ ایسے میں ان کا نہ تو کوئی مارک شیٹ ہے اور نہ ہی کوئی نمبروں کا فیصد ہے۔ اسکالرشپ کی لیاقت بھی گذشتہ درجے میں 50 فیصد نمبروں کی ہے۔ ایسے طلبا اور تعلیمی اداروں کے منتظمین اپنے اپنے حساب سے اس کالم میں نمبر بھرے دے رہے ہیں۔ لیکن انہیں اس بات کا خوف ہے کہ کہیں ان کا فارم منسوخ نہ ہوجائے اور طلبا اسکالرشپ سے محروم ہو جائیں۔