اتر پردیش کے شہر بارہ بنکی میں خستہ حال سی نظر آنے والی گورمنٹ انٹر کالج کی عمارت کی تصویر جلد بدلنے والی ہے۔ اس کی تعمیر نو کی تجویز منظور ہو گئی ہے۔
سب سے خاص بات یہ ہے کہ جی آئی سی کی اس عمارت کی نو تعمیر وزارت اقلیتی امور کے بجٹ سے ہوگی۔ اس کے لیے 5 کروڑ 39 لاکھ روپے کی رقم منظور ہو گئی ہے۔ اس کے لیے 1کروڑ 62 لاکھ کی پہلی قسط بھی جاری کر دی گئی ہے۔
واضح رہے کہ بارہ بنکی کے جی آئی سی کی تعمیر تقریبآ 100 برس قبل ہوئی تھی۔ اتنے برس ہونے کی وجہ سے جی آئی سی کی عمارت خستہ حال سی ہو گئی ہے۔
طویل عرصے سے اس کی عمارت کی نو تعمیر کے بارے میں غور و فکر کیا جارہا تھا، کیونکہ یہ عمارت اتنی بری حالت میں تھی کہ بچوں میں اس کے گرنے کا خوف سا محسوس ہوتا تھا۔
انہیں تمام پریشانیوں کو پیش نظر اس کی نو تعمیر کی تجویز ضلع مجسٹریٹ نے وزارت اقلیتی امور کو بھیجی تھی اور اسے پردھان منتری جن وکاس پروگرام کے تحت مرمت کرنے کا مطالبہ کیا گیا تھا، جس کو اب منظوری فراہم کردی گئی ہے۔
اس عمارت کی تعمیر کے لیے 5 کروڑ 39 لاکھ روپے منظور ہوئے ہیں اورفی الحال 1 کروڑ 62 لاکھ کی قسط بھی جاری کر دی گئی ہے۔ امید کی جارہی ہے کہ جلد ہی جی آئی سی کی تعمیر نو کا کام شروع ہوگا۔
