سماجوادی پارٹی کے سینئر رہنما محمد اعظم خاں کی رہائی کے لیے آواز بلند ہونے لگی ہے۔ اب ضلع بریلی میں خواتین کے حقوق، فلاح و بہبود کے لیے کام کرنے والی تنظیم 'سب کا حق فاؤنڈیشن' نے محمد اعظم خاں کی رہائی کے لیے اتر پردیش کی گورنر کو بریلی سٹی مجسٹریٹ کے زریعہ ایک میمورنڈم پیش کیا۔
سب کا حق فاؤنڈیشن کی بانی اور صدر رافیعہ شبنم نے اتر پردیش کی گورنر سے مطالبہ کیا ہے کہ 'سماجوادی پارٹی کے قدآور رہنما محمد اعظم خاں کو رہا کیا جانا چاہیے۔ قانون میں بھی اس کی سہولیت ہے کہ کسی بھی شخص کو انتہائی خراب صحت کی بنیاد پر جیل سے پیرول پر رہا کیا جا سکتا ہے۔'
انہوں نے کہا کہ 'کورونا کے انفیکشن سے جیل میں قیدیوں کی جان بچانے کے سبب ہزاروں کی تعداد میں قیدیوں کو رہا کیا گیا ہے۔ جبکہ اعظم خان کے ستھ دوہرا رویا اختیار جا رہا ہے۔'
انہوں نے مزید کہا کہ 'محمد اعظم خاں کے خلاف تمام کیسز فرضی اور بے بنیاد ہیں۔ ان تمام فرضی مقدمات کی وجہ سے اُنہیں جیل میں قید کرکے رکھا گیا ہے۔ سیاسی رہنما کو جیل میں فرضی مقدمہ میں قید کرکے رکھنے کا یہ حیرت انگیز معاملہ ہے۔'
یہ بھی پڑھیں: رامپور: اعظم خاں کی رہائی کے لئے طلباء کا دریائے کوسی میں احتجاجی مظاہرہ
محمد اعظم خاں کے خلاف فرضی مقدمہ لگانے کا سب سے بڑا ثبوت یہ ہے کہ ایسے قدآور لیڈر کے خلاف بکری چوری کا الزام لگایا ہے، جو یہ ثابت کرتا ہے کہ حکومت اتر پردیش نے تمام سازشوں کے تحت ایسا کام کیا ہے۔
رافعہ شبنم نے کہا کہ 'اکثر دیکھنے کو ملتا ہے کہ جرائم کرنے والے پیشہ ور بدمعاشوں کو بھی سنگین معاملوں میں ضمانت مل جاتی ہے۔ جبکہ اعظم خاں کے خلاف معمولی مقدمہ درج ہیں۔ لہٰذا اُنہیں بھی پیرول پر رہا کیا جانا چاہیے۔'
