مظفرنگر: ریاست اترپردیش کے ضلع مظفرنگر کے کلکٹریٹ میں یوکرین سے لوٹے طلباء اور طالبات نے اپنی تعلیمی مستقبل کے لیے وزیر اعظم نریندر مودی سے مدد کی فریاد کرتے ہوئے کہا کہ ہم سبھی بچے یوکرین میں ایم بی بی ایس اور دیگر ڈگریوں کی تعلیم حاصل کر رہے تھے۔ روس اور یوکرین کے درمیان چل رہی جنگ کے دوران بھارتی حکومت کے ذریعے چلائے گئے آپریشن گنگا کے تحت بھارتی شہریوں اور بچوں کو بحفاظت وہاں سے نکالا گیا۔ ہم اس کے لیے ہندوستانی حکومت کا شکریہ ادا کرتے ہیں۔ Students Returning from Ukraine Worried about Future۔
بچوں نے ای ٹی وی بھارت سے بات کرتے ہوئے وزیراعظم سے مطالبہ کیا کہ جس طرح آپ نے مشن گنگا چلا کر ہندوستانی شہریوں کو بحفاظت وہاں سے نکالا ہے اسی طرح سے جو بچے وہاں پر تعلیم حاصل کر رہے تھے۔ جن کو کورس مکمل کرنے کے لیے کچھ ہی وقت باقی رہ گیا تھا اب ان کا مستقبل اندھرے میں دکھائی دے رہا ہے حالانکہ یوکرینی یونیورسٹیوں نے ہمیں آن لائن اسٹڈی کرانے شروع کر دی ہے۔ ہم صرف تھیوری ہی کر پا رہے ہیں، پریکٹیکل نہیں کر پا رہے ہیں۔
مزید پڑھیں:
- Journey From Ukraine to Delhi: یوکرین سے دہلی تک کا سفر، ماہرعلی کی زبانی
- Exclusive Interview with Students: یوکرین سے واپس آنے والے طالب علموں کے ساتھ خاص بات چیت
طالب علموں نے بھارتی حکومت سے مطالبہ کیا کہ ہماری مکمل پڑھائی ہندوستان میں ہی کرائی جائے یا پھر ہمیں پریکٹیکل کے لئے اس طرح کا کوئی سرٹیفکیٹ مہیا کرایا جائے جس سے کی ہم کسی بھی میڈیکل کالج میں اپنے پریکٹیکل کی اسٹڈی کر سکیں۔
