عالم اسلام کے مسلمانوں کی جانب سے فرانسیسی صدر ایمیونل میکخواں کے خلاف شدید احتجاج جاری ہے۔
گذشتہ دنوں سے پوری دنیا کے ممالک بالعموم اور مسلم ممالک میں بالخصوص فرانس کے صدر کے خلاف غم و غصہ دیکھا جا رہا ہے، اور مسلمان اپنے اپنے طریقے سے رسالت مآب کی بارگاہ میں گستاخی کرنے والوں کے خلاف اپنے اشتعال کا اظہار کر رہے ہیں۔
ریاست اترپردیش کے شہر میرٹھ میں جمعیتہ علما ہند نے حکومت ہند سے مطالبہ کیا ہے کہ وہ فرانس سے سفارتی تعلقات ختم کر دیں۔
پیغمبر اسلام حضرت محمد صلی اللہ علیہ وسلم کا کارٹون شائع کرنے والے کارٹونسٹ کی حمایت میں فرانسیسی صدر کے بیان کے بعد عالم اسلام میں سخت غم اور غصّہ پایا جا رہا ہے ۔
نبی کریم صلی اللہ علیہ وسلم کی شان میں گستاخی آمیز کلمات کے استعمال کے بعد فرانسیسی صدر ایمیونیل میکرون کے خلاف بھارت میں بھی احتجاجی مظاہروں کا سلسلہ جاری ہے۔
مزید پڑھیں:اقتدار کے لیے سبھی حدیں پار
میرٹھ میں بھی جمعیتہ علما کی جانب سے ایک میمورنڈم حکومت ہند کے نام پیش کیا گیا، جس میں فرانس سے سفارتی تعلقات ختم کرنے کی بات ہے۔
جمعیت علماء ہند کی جانب سے کلکٹریٹ میں احتجاجی مظاہرہ کیا گیا اور ڈی ایم کو پیش کیے گئے میمورنڈم کے ذریعہ فرانسیسی سفیر سے ناراضگی درج کراتے ہوئے فرانسیسی صدر سے معافی مانگنے کا بھی مطالبہ کیا گیا ہے۔
