یوم اردو صحافت پروگرام کے موقع پر ریاست اترپردیش کے سنبھل سے سماج وادی پارٹی کے رکن پارلیمان ڈاکٹر شفیق الرحمن برق نے اپنی تقریر کے ذریعہ لوگوں کو اردو کی تعلیم و ترویج کے لیے بیدار کرتے ہوئے کہا کہ آج کے اس جدید تعلیمی دور میں ہر انسان اپنے بچوں کو اردو کی تعلیم سے آراستہ و پیراستہ کریں۔
انہوں نے جلسے سے خطاب کرتے ہوئے نبی کریمﷺ کی حدیث کا حوالہ دیتے ہوئے کہا کہ 'تعلیم حاصل کرو چاہے چین ہی کیوں نہ جانا پڑے' مرکزی و ریاستی حکومتوں پر شدید نکتہ چینی کرتے ہوئے انہوں نے کہا کہ 'حکومت کے اس ظلم و ستم سے ڈرنے کی ضرورت نہیں ہے۔ ہر ایک اندھیرے کے بعد سویرا ضرور ہوتا ہے۔'
اردو پر اپنے خیالات پیش کرتے ہوئے انہوں نے کہا کہ اردو بھارت کی زبان ہے جس کو ہر مذہب اور فرقے کے لوگ لکھتے، پڑھتے اور بولتے ہیں لیکن آج کے اس دور میں اردو کو مسلمانوں کی زبان سمجھ لیا گیا۔'
