میرٹھ: عبادت گاہوں کو کھولنے کا مطالبہ

کورونا وبا کی دوسری لہر کو دیکھتے ہوئے حکومت کی جانب سے نافذ کیے گئے لاک ڈاون کو اب ہٹا لینے کے بعد ایک بار پھر سے مذہبی رہنما اور  مساجد کے علما نے حکومت سے عبادت گاہوں کو کھولنے کا مطالبہ کیا ہے۔

ریاست اتر پردیش میں کورونا انفیکشن کے بڑھتے معاملات کو دیکھتے ہوئے حکومت کی جانب سے لاک ڈاؤن کا نفاذ عمل میں لایا گیا تھا لیکن اب جب میرٹھ میں کورونا کا خطرہ کچھ حد تک کم ہوگیا ہے تو ریاست میں میں لاک ڈاؤن کو ختم کر دیا گیا ہے۔

اب مساجد کے ائمہ و علما حکومت سے عبادت گاہوں کو کھولنے کا مطالبہ کر رہے ہیں۔ ان کا کہنا ہے کہ جس طرح سے بازاروں اور دوسری جگہوں کو کھولنے کی اجازت دی جا رہی ہے، اسی طرز پر سونی پڑی عبادت گاہوں کو بھی پھر آباد کرنے کی اجازت دی جائے۔

اتر پردیش میں کورونا کے کم ہوتے اثرات کو دیکھتے ہوئے جہاں لاک ڈاؤن میں رعایت دی گئی ہے، اسی طرز پر عبادت گاہوں میں 05 افراد کو مسجد میں عبادت کرنے والے فیصلے کو ختم کر اب حکومت کو ان عبادت گاہوں کو پھر سے آباد کرنے کا فیصلہ کرنا ہوگا۔