ریاست اتر پردیش کے ضلع میرٹھ میں لاک ڈاؤن میں پھنسے 7 اضلاع کے سینکڑوں مہاجر مزدوروں كو ان کے وطن بھیجنے کے لیے میرٹھ سٹی اسٹیشن سے ایک ٹرین بہار کے لیے روانہ کی گئی۔
مزدور بذریعہ ٹرین گھر روانہ، ویڈیو
بہار کے سات اضلاع کے یہ مزدور صبح سے ہی ریلوے اسٹیشن پر جمع ہونے شروع ہو گئے تھے، جہاں انہیں تھرمل اسکر یننگ کے بعد پلیٹ فارم پر بھیجا گیا۔
اس دوران سماجی فاصلے کو برقرار رکھنے کے لیے انتظامیہ كو کافی مشکلات کا سامنا کرنا پڑا لیکن اس سب کے باوجود یہ مزدور اپنے گھر جانے کے لیے بے قرار نظر آیے۔
ملک میں لاک ڈاؤن کی معیاد میں مسلسل اضافہ سے ہر طبقہ متاثر ہے جس میں یومیہ مزدوروں کی حالت انتہائی خراب ہے ایسے حالات میں اب یہ مزدور جلد سے جلد اپنے گھر پہنچ کر اپنے اہل خانہ کا ساتھ چاہتے ہیں۔
