ریاست اترپردیش کے مغربی شہر میرٹھ میں آج نیشنل انٹی گريٹیڈ میڈیکل ایسوسی ایشن کے ایک وفد نے ضلع مجسٹریٹ سے ملاقات کے بعد مطالبہ کیا کہ جس طرح اَن لاک 1.0 میں بازاروں اور کارخانوں كو کھولنے کی اجازت دی ہے اسی طرح نیشنل انٹی گريٹیڈ میڈیکل ایسوسی ایشن كو بھی کلینک کھولنے کی اجازت دی جائے۔
ضلع میرٹھ میں بھی لاک ڈاؤن نے پرائیویٹ ڈاکٹرز کے پیشے كو بھی بری طرح متاثر کیا ہے، ایسے حالات میں اب یہ ڈاکٹرز بھی اَن لاک 1.0 میں پرائیویٹ کلینک كو بھی کھولے جانے کی درخواست کررہے ہیں۔
اسی کے تحت آج نیشنل انٹی گريٹیڈ میڈیکل ایسوسی ایشن کے ایک وفد نے میرٹھ ڈی ایم سے ملاقات کے بعد پرائیویٹ کلینک کو بھی کھولے جانے کی مانگ کی۔
ملک میں لاک ڈاؤن نے سماج و معاشرے کے ہر طبقہ كو متاثر کیا ہے، جس میں پرائیویٹ ڈاکٹرز کا پیشہ بھی شامل ہے جس کو بڑا نقصان اٹھانا پڑا ہے، اب اَن لاک 1.0 میں ان ڈاکٹرز كو بھی اپنی کلینک كے کھولے جانے کا امکان ہے۔
