ریاست اترپردیش کے شہر بارہ بنکی میں کانگریس کے قومی ترجمان اور سینیئر رہنما پی ایل پنیا نے بہوجن سماج پارٹی کی سربراہ اور سابق وزیراعلیٰ مایاوتی پر شدید نکتہ چینی کرتے ہوئے کہا ہے کہ وہ بی جے پی کی بی ٹیم کی طرح کام کام کررہی ہیں، شاید اسی لیے وہ اس طرح پیغامات سماجی سائٹ پر ٹوئٹ کررہی ہیں۔
واضح رہے کہ بہوجن سماج پارٹی کی سربراہ مایاوتی نے ٹوئٹ کرکے کہا تھا کہ غیر مقیم مزدوروں کی زبردست پریشانیوں کے لیے کانگریس کو ذمہ دار قرار دیتے ہوئے سنیچر کہا ہے کہ آزادی کے بعد طویل عرصے سے اپنے دور حکومت کے دوران مقامی سطح پر روزی روٹی مہیا کرانے کی سنجیدہ کوششیں نہیں کی گئی، جس سے لوگوں کو ہجرت کرنے پر مجبور ہونا پڑا۔
سپریمو مایاوتی نے اپنے متعدد ٹوئٹز کے ذریعہ غیر مقیم مزدوروں کی بری حالت کے لیے بھارتیہ جنتا پارٹی کے ساتھ کانگریس کوبھی ذمہ دار قرار دیا تھا۔
انہوں نے کہا کہ مزدوروں کی تکلیفوں کی ویڈیو ٹوئٹ کرکے کانگریس ناٹک کررہی ہے۔
بی ایس پی سربراہ نے کہا کہ 'آج پورے ملک میں کورونا لاک ڈاؤن کی وجہ سے کروڑوں غیر مقیم مزدوروں کی جو حالت دکھ رہی ہے اس کی اصل قصوروار کانگریس ہے، کیونکہ آزادی کے بعد ان کے طویل دور حکومت کے دوران اگر روزی روٹی کا صحیح نظم گاؤں اور شہروں میں ہی کیا جاتا تو انہیں دوسری ریاست میں کیوں جانا پڑتا'۔
انہوں نے کہا کہ ویسے ہی فی الحال کانگریس رہنما کے جانب سے لاک ڈاؤن ٹریجڈی کے شکار کچھ مزدوروں کے دکھ درد بانٹنے سے متعلق جو ویڈیو دکھایا جارہا ہے وہ ہمدردی والا کم اور ناٹک زیادہ دکھتا ہے۔
انہوں نے کہا کہ کانگریس اگر یہ بتاتی کہ اس نے ان سے ملتے وقت کتنے لوگوں کی حقیقی مدد کی ہے تویہ بہتر ہوتا۔
