ریاس اترپردیش کے دارالحکومت لکھنؤ میں بہوجن سماج پارٹی کی صدر اور سابق وزیراعلیٰ مایاوتی نے رمضان مہینہ کی نیک خواہشات دیتے ہوئے مسلسل سوشل ڈسٹینسنگ پر عمل کرنے اور گھر پر ہی رہ کر نماز ادا کرنے کی درخواست کی ہے۔
مایاوتی نے جمعہ کو ایک ٹوئٹ سیریز میں کہا کہ کورونا وائرس وبا کے پیش نظر گھر پر رہ کر عبادت کی جانی چاہیے۔
انہوں نے کہا کہ ملک کے تمام مسلم بھائیوں، بہنوں اور ان کے کنبہ کو رمضان کے مبارک مہینہ کی دلی مبارکباد اور نیک خواہشات۔
انہوں نے کہا کہ سحری سے لیکر شام تک کے روزہ روز مرہ کے کام کاج کے ساتھ ساتھ تلاوت قرآن، نماز، تراویح اور زکوۃ اس مہینہ کی خاص عبادتیں ہیں۔
انہوں نے کہا کہ ویسے تو نماز، افطار، تراویح وغیرہ مشترکہ طور پر ادا کرنے کا عمل ہے، لیکن وقت کے ساتھ کورونا وائرس کا تقاضہ ہے کہ یہ عبادتیں گھر میں ہی رہ کر کی جائیں، تو بہتر ہے۔
انہوں نے کہا کہ لاک ڈاون کے اصو لوں پر سختی سے عمل کیا جائے تاکہ آپ اور آپ کے پڑوسی دونوں ہی کورونا وبا سے محفوظ رہیں، ملک اور عوام کے وسیع مفاد میں مجھے صرف یہی کہنا ہے۔
