ریاست اترپردیش کے ضلع مئو سمیت ملک بھر میں وزیراعظم نریندر مودی کی جانب سے لاک ڈاؤن کی تاریخ میں توسیع کے اعلان کے بعد بینکوں میں بھیڑ بڑھ گئی ہے۔
عوام یا اکاؤنٹ ہولڈر کی صبح سے ہی بینکوں کے باہر لمبی لمبی قطاریں لگ جارہی ہیں، بینک کھلنے کے وقت سے کئی گھنٹے پہلے ہی اکاؤنٹ ہولڈرز بینک کے باہر بینک کے کھلنے کا انتظار کرتے ہیں۔
بینکوں کے باہر لگنے والی بھیڑ سے سوشل ڈسٹینسنگ کا فارمولہ کی پیروی نہ ہونے کا بھی اندیشہ ہوتا ہے۔
ایک طرف بینک ملازمین تو پریشان ہیں ہی، اکاؤنٹ ہولڈرز بھی گھنٹوں سخت دھوپ میں کھڑے رہنے پر مجبور ہیں، وہیں دوسری جانب حالات سے نمٹنے کے لیے بینکوں کے باہر پولس فورس تعینات کی گئی ہے، جو متواتر بھیڑ کو دوری بنا کر کھڑے رہنے کی ہدایت دیتی ہے۔
پولس اور ضلع انتظامیہ کے اعلیٰ افسران موقع کا دورہ کر بینک عملہ کو ضروری ہدایات دے رہے ہیں، تاکہ کورونا وائرس پھیلنے کے خطرے سے محفوظ رہا جاسکے، تاہم بینک منیجر بھی اس بات سے متفق ہیں کہ سوشل ڈسٹینسنگ پر عمل کرنا بے حد ضروری ہے۔
