عالمی وبائی امراض (کوویڈ۔ 19) سے بچاؤ اور ضلعی مکینوں کو تحفظ فراہم کرنے کی غرض سے ڈسٹرکٹ مجسٹریٹ سہاس ایل وائی نے مفاد عامہ میں ایک اور بڑا فیصلہ لیا ہے۔
انہوں نے نوئیڈا کے 4 بڑے اسپتالوں کے ٹیک اوور کے احکامات جاری کر دئیے ہیں۔ جن میں سربھی ہسپتال سیکٹر 35 نوئیڈا، بھاردواج ہسپتال سیکٹر 29 نوئیڈا، لائف کیئر ہسپتال سیکٹر 61 نوئیڈا اور انڈو گلف ہسپتال سیکٹر 19 نوئیڈا شامل ہیں.
اس سلسلے میں چیف میڈیکل آفیسر گوتم بودھ نگر کو ضلعی مجسٹریٹ نے فوری کارروائی کی ہدایت بھی جاری کی ہے۔
اس سے قبل نوئیڈا اور گریٹر نوئیڈا میں کئی ہوٹلز کو بھی ٹیک اوور کیا جا چکا ہے ،جہاں ڈاکٹر ،میڈیکل اسٹاپ اورقرنطینہ کے لیے بھی استعمال کیا جا سکتا ہے۔
