مرادآباد: سڑک حادثے میں دو ہلاک

بتایا جا رہا ہے کہ 'مولانا رئیس مرادآباد کے گاؤں بلاری میں امام تھے۔ اور بلاری سے بھوجپور کسی مفتی کو لینے آ رہے تھے۔'

ریاست اترپردیش کے ضلع مرادآباد میں ایک سڑک حادثے میں دو افراد کی موقع پر ہی موت ہو گئی۔

بتایا جا رہا ہے کہ' مرادآباد کی طرف سے آرہی تیز رفتار شویفٹ ڈیزائر اے 14 اے کیو 0123 اچانک بے قابو ہو کر ایک پولیہ سے ٹکرا کر نیچے جا گری۔ پل سے گرتے ہی کار چکنا چور ہو گئی۔ کار میں سوار دونوں افراد کی موقع پر ہی موت ہو گئی۔'

کھیتوں میں کام کرنے والے کسانوں نے حادثے کی اطلاع پولیس کو دی۔ موقع پر پہنچی پولیس نے کڑی مشقت کے بعد دونوں افراد کو کار سے باہر نکالا۔

جاں بحق ہونے والے مولانا رئیس اتراکھنڈ کے مہوا ڈبرہ گاؤں کے ریائشی تھے اور دوسرے محمد رضا مرادآباد کے بلاری سے تھے۔

بتایا جا رہا ہے کہ 'مولانا رئیس مرادآباد کے گاؤں بلاری میں امام تھے۔ اور بلاری سے بھوجپور کسی مفتی کو لینے آ رہے تھے۔'

فی الحال پولیس نے دونوں لاشوں کو پوسٹ مارٹم کے لئے بھیج دیا ہے۔